بیا ءُ وتی یاتاں به بر

یاتانی سوگاتاں به بر

دوستی ءُ دروتءُ درواهیءِ

دردانی هرّاتاں به بر

وزواسءُ بژنءُ بژ بَشاں

اپسوزءُ هیهاتاں به بر

چمّانی ارساں ترونگلیں

کهتانی کور چاتاں به بر

تیر کوءُ تور شتاں تهءَ

شکّوگیں شهماتاں به بر

اُپّارگءُ آهاں دلءِ

پاهارءُ پریاتاں به بر

بَر برتکگیں بیراں وتی

سَسّاءِ سیه گواتاں به بر

سوچ عابدءَ درگل وتی

کولیگءُ هیراتاں به بر

منءَ بل

منءَ سوچ

منءَ ستکگیں نانے بلکیں بها نیست

بلے گوں اے گپءَ به ۓ تو اجکّه

منءَ لهتے شهزانتیں شاگرد هست اِنت

وتی دورءِ سقراطءُ بقراط انت بے شک

ارسطو

فلاطون

سرءَ اِش پهر بند ایت.

منءَ جست کت پیری مراد جان ماتءَ

که بیا شومین بچءَ کتگ مارا چاتءَ

نه وارت لوگءِ وراکاں ایے چار بیل انت

گوں مشتان ۓ مان بستگ اوبالین درّیں

اے اشکندءَ آسے کتگ روک لوگءَ

دلءَ مئے وران انت چو دارءَ ءُ کوگءَ

تو برات ۓ اے نکسءَ نی مارا اَڑینتگ

پت ۓ بزکاریں ماں پونزءَ رسینتگ

نه بیت انگت زانگ که پیل انت یا پاس انت

اگاں پاس انت اے سالءَ سیمی کلاس انت

بها کن گوش ایت هشترءَ یا که گوکءَ

اگاں نه بن ۓ مچ چه مچّانی توکءَ

برو وام کن یا پنڈ چو که پکیران

من زیراں من زیراں سید گنجءَ زیراں

مرتگ اِت دیری

دوشی واب گنداں سمبهـ اِت سیری
برزیں ماڑی ءُ گواتگراں مِیری
بهبهیں بالا اِت مبات پرواه
ماهکاں رنگیں دروشمءَ شِیری
شت گلیں ورنائی وَداراں تئی
آتکگ گوں موشکءُ مهنتاں پیری
ناگتے بلکیں رُکستاں بیاۓ
پُچ کِتابیئیں پر کت اَنت ایری
دوست دلی دنیاءَ دو بر بیا اَنت
کم نه بیت انگت مهرءِ آهیری
پاتوءُ پُلّیگ اِت کناں توّاپ
دل منی هینّاریں نزانت سیری
دوشیگیں دیوانءِ دوئیں گپ تئی
لگ اِت اَنت دلبندءَ گوش ۓ تیری
پمّنءَ درد ءِ جیهڑیں جمبر
چار گورءُ چار دورءَ چم اَنت بیری
همبل گوں ایشاں سهل کناں چوں که
کودکیں چک اِش کشت انت کلمیری
شالا گوں درداں کس مبات دلگیر
توبه توبه چه دردءِ دلگیری
کِسّوے دراجیں تئی نه بیت آرگ
مِهلب ءُ مسکءُ پوپل ءُ هیری
بوّ ءَ گُلسهر ءُ هاسمی پلءِ
چیر دے ۓ چنچوں چیز نه انت چیری
ملک دو انت اللهءِ بچار ملّا
مک مه جن گران اِنت هکءُ هکزیری
دُرگُل تئی اوستءَ زندگ انت عابد
تو مه بوتین ۓ مرتگ اَت دیری

چه گماں ژنداں ، چوں کناں همبل

ماسگے بنداں ، چوں کناں همبل

دل تتگ ترهتالءُ ترسیں ترانگ

مُوکوی تنداں ، چوں کناں همبل

هُشتگ اَنت کهنءُ چمّگءُ بُنزه

سندءُ دَربنداں ، چوں کناں همبل

دل مرادانی که گُلیں گیمرت

 چوٹواں رنداں ، چوں کناں همبل

وژمیاتکانی کار ءُ کرداراں

چمّءِ وت گنداں ، چوں کناں همبل

گمجتاں ، گیابان ءَ گنوکانی

گوں گماں کنداں ، چوں کناں همبل

کت منءَ دزگیر دهرءِ مهراباں

بندے آں بنداں ، چوں کناں همبل

کوڑویں امروز ءِ کُڑاں سگاں

کوهیں گور گنداں، چوں کناں همبل

نه سلامےءُ نے گُلیں دروتے

رهسراں ننداں ، چوں کناں همبل

عابد په درّیں دُرگلءَ کور انت

سهگریں پنداں ، چو

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: